ვასო აბაშიძის სახელობის ახალი თეატრი დაკავებულ მსახიობს ვეფხია კასრაძეს სოლიდარობას უცხადებს. ვეფხია კასრაძემ, რომელიც ჯგუფური ძალადობის ორგანიზების ბრალდებითაა დაკავებული, გუშინ შიმშილობა გამოაცხადა.

"პატიმრად კი არა ტყვედ მივიჩნევ თავს", — ამბობს მსახიობი.

ვეფხია კასრაძეს აღკვეთის ღონისძიებად პატიმრობა 6 დეკემბერს შეუფარდეს.

"ახალი თეატრი სოლიდარობას უცხადებს ცხინვალის მაჩაბლის თეატრს და მსახიობ ვეფხია კასრაძეს.
ძვირფასო მაყურებლებო უღრმესი მადლობა გაუქმებულ სპექტაკლებზე განხორციელებული დონაციისთვის.
ახალი თეატრის გადაწყვეტილებით, ამ ეტაპისთვის თქვენს მიერ განხორციელებული დონაცია სრულად ჩაერიცხება სისტემის უკანონო პატიმრის, ვეფხია კასრაძის ოჯახს
თავისუფლება ანდრო ჭიჭინაძეს და ვეფხია კასრაძეს
თავისუფლება სისტემის ყველა უკანონო პატიმარს", — წერს ვასო აბაშიძის სახელობის ახალი თეატრი.