"ბრიტანეთზე იმას ვიტყვი, რომ დიახ, ვარ ქართული ოცნების წარმომადგენელი და საკმაოდ ამაყი წარმომადგენელი", — ასე პასუხობს ოცნების მთავრობის საგარეო საქმეთა მინისტრმა, მაკა ბოჭორიშვილი ევროპის საკითხებში დიდი ბრიტანეთის სახელმწიფო მინისტრის სტივენ დაუთის განცხადებას, რომელმაც ის “ქართული ოცნების" წარმომადგენლად მოიხსენია.

"ბრიტანეთზე იმას ვიტყვი, რომ დიახ, ვარ ქართული ოცნების წარმომადგენელი და საკმაოდ ამაყი წარმომადგენელი. ქართულ ოცნებაში არის კიდევ 41 000 წარმომადგენელი, მაგრამ რატომღაც ბრიტანეთის მინისტრმა დაურეკა ერთ ადამიანს, რომელიც ამჟამად იკავებს საგარეო საქმეთა მინისტრის პოზიციას და ახლა, რაღაც სიტყვებზე გამოკიდებას და ხავსზე მოჭიდებას ჰგავს უფრო ასე ვთქვათ, ის აჟიოტაჟი, რაც მოჰყვა ამ ტვიტს და თუნდაც, კომუნიკაციის ამ ფორმას.

მქონდა შესაძლებლობა, ქვეყანა წარმომედგინა მალტაზე ეუთოს საგარეო საქმეთა მინისტერიალზე; შევხვდი ავსტრიის, ფინეთის, სლოვაკეთის, მეზობელი ქვეყნების კოლეგებს და არცერთს არ დაუსვამს კითხვა ლეგიტიმაციასთან დაკავშირებით, ესაუბრებოდნენ საგარეო საქმეთა მინისტრს თუ არა", — თქვა მაკა ბოჭორიშვილმა რუსთავი 2-ის ეთერში.

16 დეკემბერს, დიდი ბრიტანეთის სახელმწიფო მინისტრმა, ტივენ დაუთიმ ევროპის საკითხებში სოციალურ ქსელ X-ში მაკა ბოჭორიშვილი ქართული ოცნების წარმომადგენლად მოიხსენია.

"დღეს კიდევ ერთხელ ნათლად ვუთხარი ქართული ოცნების წარმომადგენელს მაკა ბოჭორიშვილს, რომ პოლიციის ძალადობა და თვითნებური დაპატიმრებები საქართველოში მიუღებელია.

დიდი ბრიტანეთი განიხილავს ყველა ვარიანტს, რათა პასუხისმგებელი პირები პასუხისგებაში იქნან მიცემული", — დაწერა ტივენ დაუთიმ.