თბილისის საქალაქო სასამართლომ, შსს-ს ყოფილი მაღალჩინოსანი შოთა ხიზანიშვილი უფლებამოსილების გადამეტებაში დამნაშავედ სცნო და 2 წლიანი პატიმრობა შეუფარდა. თუმცა ამნისტიის კანონისა და 2 თვიანი უკვე მოხდილი პატიმრობის გათვალისწინებით 1 წლით და 4 თვით განესაზღვრა თავისუფლების აღკვეთა.

უფლებამოსილების გადამეტების ნაწილში, სასამართლომ ასევე დამნაშავედ სცნო ლევან ქარდავა და ვაჟა ლელუაშვილი და ორივე მათგანს, 2 წლიანი პატიმრობა განესაზღვრა. ბრალდებულები სასამართლო დარბაზშივე დააპატიმრეს.

შინაგან საქმეთა სამინისტროს ყოფილ მაღალჩინოსნებს, შოთა ხიზანიშვილს, ლევან ქარდავასა და ვაჟა ლელუაშვილს ბრალად უფლებამოსილების გადამეტება, კომპიუტერული ვირუსების გზით ყოფილი ოპოზიციის ლიდერების უკანონო მოსმენები და ბიძინა ივანიშვილის დაცვის თანამშრომელ ბესიკ სურმავაზე ზეწოლა ედებოდათ.