BBC ვირტუალური რეალობის (VR) კონტენტის შექმნას სერიოზულად ეკიდება. ცოტა ხნის წინ, კომპანიამ გამოუშვა ღია კოსმოსში გასვლის სიმულაცია და ფორმალურად დააანონსა, რომ VR გუნდი იმუშავებს რეჟისორებთან, შოურანერებთან და „ციფრულ ექსპერტებთან“ ახალი ნაწილების შესაქმნელად. Home — A VR Spacewalk BBC-მ და ციფრული პროდუქციის სტუდია Rewind-მა HTC VIVE-ისა და Oculus Rift-ისთვის შექმნეს 2016 წელს. ის შექმნილია ნასას და ევროპის კოსმოსური სააგენტოს საწვრთნელი პროგრამების მიხედვით - დიახ, იმ პროგრამების მიხედვით, რომელსაც ასტრონავტი ტომ პიკი იყენებს. ამის საშუალებით, თქვენ შეგიძლიათ ღია კოსმოსში გახვიდეთ და საერთაშორისო კოსმოსურ სადგურზე დაზიანებები შეაკეთოთ ზუსტად ისე, როგორც ამას ასტრონავტები აკეთებენ. ეს რამდენიმე ფილმის ფესტივალზე ნაჩვენები იყო, თუმცა საჯაროდ ხელმისაწვდომი გუშინ, 30 ნოემბერს გახდა.

BBC-ს აქამდეც ჩაუტარებია ვირტუალურ რეალობაში ექსპერიმენტები. ადრეული პროექტები იყო We Wait - ამბავი, რომელიც ლტოლვილთა კრიზისის გულში მოგახვედრებდა; The Turning Forest - VR ზღაპარი Google Daydream-ისა და Samsung Gear VR-ისთვის; და Trafficked - 360 გრადუსიანი ანიმაციური ფილმი ადამიანის ტრეფიკინგის შესახებ. მართალია, შთამბეჭდავია ეს ყველაფერი, მაგრამ BBC-ს მცდელობები ხშირად ცოტა არაორგანიზებულია. კომპანიის ახალი გუნდი, VR Hub, ეცდება, რომ ხშირად არ შექმნან პროდუქტები. BBC ამბობს, რომ მას სურს, რომ VR ბაზის უწყვეტი ზრდის განმავლობაში „მაღალი ხარისხის მცირე რაოდენობის ნაწილები“ შექმნას.