Forbes Magazine-ს ცნობით, კენდალ ჯენერი 2017 წლის მსოფლიოს ყველაზე მაღალანაზღაურებადი მოდელი გახდა. მან წლის განმავლობაში 22 მილიონი აშშ დოლარი გამოიმუშავა.

კარდაშიანების ოჯახის წევრმა ჩამოიტოვა ადრიანა ლიმა, ჯიჯი ჰადიდი, კრისი ტეიგენი, ჟიზელ ბუნდჰენი და ა.შ. ასევე ეს პირველი წელია, რაც ყველაზე მაღალანაზღაურებადი მოდელების ტოპ-ათეულში დები ჰადიდები ერთად მოხვდნენ. სიაში ასევე შევიდა პლიუს ზომის მოდელი ეშლი გრაჰამი.

ჯენერი წლევანდელ მოდის კვირეულზე Alexander Wang-ის, Fendi-ს, Chanel-ის, Marc Jacobs-ის და სხვა მოდის სახლების ჩვენებებზე გამოვიდა, ის ასევე Estee Lauder-ის, Adidas-ის და La Perla-ს სახე გახდა.

მსოფლიოს ყველაზე მაღალანაზღაურებადი მოდელების ტოპ-ათეული ასე გამოიყურება:

  1. კენდალ ჯენერი - $22 მლნ;
  2. ჟიზელ ბუნჰენი - $17,5 მლნ;
  3. კრისი ტეიგენი - $13,5 მლნ;
  4. ადრიანა ლიმა - $10,5 მლნ;
  5. ჯიჯი ჰადიდი - $9,5 მლნ;
  6. როზი ჰანტიგტონ-უაითლი - $9,5 მლნ;
  7. კარლი კლოსი - $9 მლნ;
  8. ლიუ ვენი - $6,5 მლნ;
  9. ბელა ჰადიდი - $6 მლნ;
  10. ეშლი გრაჰამი - $5,5 მლნ.