მოსკოვში, სანქტ-პეტერბურგში, სარატოვში, კრასნოდარში, კრასნოიარსკში, პერმში და დონის როსტოვში (მოსკოვის დროით 15 საათისთვის) 310 ადამიანი დააკავეს. მათი უმრავლესობა, 286 ადამიანი რუსეთის დედაქალაქში დააპატიმრეს.

Meduza-ს ცნობით, დაკავებულებს არ უკავიათ ტრანსპარანტები და არც ლოზუნგებს ყვირიან, თუმცა რუსეთის შსს-ს პრესსამსახურში ამბობენ, რომ დაკავებების მიზეზი საზოგადოებრივი წესრიგის დარღვევაა.

რუსული სააგენტო ТАСС წერს, რომ სამართალდამცველები დაკავებულებისაგან იარაღს, დანებს, ინდივიდუალური თავდაცვის საშუალებებს, კასტეტებს და სხვა აკრძალულ ნივთებს იღებენ.

"ეს მიუთითებს იმაზე, რომ ადამიანები უბრალოდ კი არ გამოსულან, არამედ ემზადებოდნენ სამართალდამცავი ორგანოებისთვის წინააღმდეგობის გასაწევად", - ციტირებს სააგენტო კონფიდენციალურ წყაროს.