მეცნიერებათა აკადემიის სახელფასო ბიუჯეტი ₾3 მლნ-მდე გაიზარდა, საშტატო ნუსხა კი 164 ერთეულით განისაზღვრა. ამის შესახებ ოცნების ხელისუფლების მთავრობის განკარგულებიდან ვიგებთ, რომელიც 2026 წლის 23 იანვრითაა დათარიღებული.

დოკუმენტის დანართის მიხედვით, მეცნიერებათა აკადემიის სახელფასო ბიუჯეტი 2 981 000 ლარამდე გაიზარდა. საქართველოს მეცნიერებათა ეროვნული აკადემიის პრეზიდენტის როინ მეტრეველის ხელფასი ₾5075-მდე გაიზარდა. წელიწადში ის ანაზღაურების სახით ₾60 900-ს მიიღებს; აკადემიის ვიცეპრეზიდენტ რამაზ ხუროძის ხელფასი ₾3 775-ი იქნება და ის წლის განმავლობაში ₾45 300-ს მიიღებს; აკადემიის აკადემიკოს-მდივნის, ვლადიმერ პაპავას ხელფასი კი ₾3 775 იქნება.

როგორც bm.ge წერს, 2026 წლის სახელმწიფო ბიუჯეტის მიხედვით, საჯარო სექტორში დასაქმებულების ანაზღაურებები 10%-ით იზრდება. ანაზღაურებების მატება ეხებათ მათ შორის უმაღლესი პოლიტიკური თანამდებობის მქონე პირებსაც როგორც აღმასრულებელ ასევე საკანონმდებლო ხელისუფლებაში.