აზერბაიჯანის სახელმწიფო უსაფრთხოების სამსახურის ცნობით, სამშაბათს, 27 ნოემბერს, დააკავეს 3 პირი, რომლებიც აზერბაიჯანში უცხო ქვეყნის საელჩოზე ტერორისტული თავდასხმისთვის ემზადებოდნენ.

აზერბაიჯანული მედია წერს, რომ სახელმწიფო უსაფრთხოების სამსახურის მიერ ჩატარებული საგამოძიებო ოპერაციების დროს გაჩნდა საფუძვლიანი ეჭვი, რომ აზერბაიჯანის მოქალაქეები — 2000 წელს დაბადებული ილგარ ილჰამ ოღლუ გულიევი, მეტსახელად "აბუ ზარ ალ-მუჰაჯირი", 2005 წელს დაბადებული ამინ ელშად ოღლუ პირიევი, მეტსახელად "აბდურაშიდი" და 2005 წელს დაბადებული ელვინ სანან ოღლუ ალიზადე, მეტსახელად "აბდურაჰმან ალ-აზერი" — ბაქოში უცხო ქვეყნის საელჩოზე რელიგიური სიძულვილით მოტივირებული ტერაქტს გეგმავდნენ.

"ეს პირები დაკავშირებულიიყვნენ ISIS-ის ტერორისტული ორგანიზაციის ვილაიეთ-ი-ხორასანის შეიარაღებული დაჯგუფების წევრებთან და, როგორც ჯგუფი, წინასწარ შეთქმულებას აწყობდნენ აზერბაიჯანის რესპუბლიკაში უცხო სახელმწიფოს საელჩოზე ტერორისტული თავდასხმის ჩასატარებლად იარაღად გამოსაყენებელი ნივთების შესაძენად. სახელმწიფო უსაფრთხოების სამსახურის (სუს) თანამშრომლებმა ისინი საელჩოს ადგილმდებარეობის მიახლოებისას დააკავეს", — ნათქვამია სუს-ის განცხადებაში.

როგორც აღინიშნა, ილგარ გულიევს, ამინ პირიევს და ელვინ ალიზადეს ბრალი წაუყენეს აზერბაიჯანის რესპუბლიკის სისხლის სამართლის კოდექსის 28-ე, 214.2.1, 28-ე, 214.2.3 და 28-ე, 214.2.6 მუხლებით (რელიგიური სიძულვილით მოტივირებული ტერორიზმის მომზადება შეთქმულებაში ადრე ჩართული პირთა ჯგუფის მიერ, იარაღად გამოყენებული ნივთების გამოყენებით). სასამართლოს გადაწყვეტილებით, მათ წინასწარი პატიმრობა შეეფარდათ.