ზუგდიდის სასამართლომ აქტივისტი თაკო გვილია ფეისბუქ-პოსტისთვის 4 000 ლარით დააჯარიმა. გადაწყვეტილება მოსამართლე ფატი ფურცხვანიძემ მიიღო.

პოლიციელმა ნიკოლოზ თორდიამ აქტივისტს ფეიბუქ-პოსტში "ფარჩაკად" მოხსენიებისთვის უჩივლა. გვილიას ადმინისტრაციული სამართლის 173-ე მუხლის მე-2 ნაწილს ედავებოდნენ, რაც სამართალდამცავი ორგანოს თანამშრომლისთვის შეურაცხყოფას მიყენებას გულისხმობს.

ფოტო: FB/Tako Gvilia

ნიკოლოზ თორდია პატაკში წერს, რომ თაკო გვილიამ განათავსა "საჯარო პოსტი ჩემი ფოტოსურათით, რომლითაც მაყენებდა სიტყვიერ შეურაცხყოფას უშვერი სიტყვებით ("ფარჩაკი ზუგდიდელი მილიციელი"), რაც ჩემი ღირსებისთვის, ჩემი პროფესიული საქმიანობისთვის არის უკიდურესად შეუარცხმყოფელი".