სექსუალურ შევიწროებაში დადანაშაულებული ჰოლივუდელი პროდიუსერის, ჰარვი ვაინშტაინის მხარდასაჭერად რუსეთში მცხოვრებმა გოგოებმა გაიხადეს და მოსკოვში, აშშ-ის საელჩოსთან მხარდამჭერი აქცია გამართეს. "ჩვენ მას რუსეთში ვეპატიჟებით", - აცხადებდნენ აქტივისტები. შესაბამისი ვიდეო რუსულმა მედიასაშუალება რენ ტვ-მ გაავრცელა.

"მოვედით, რათა მხარი დავუჭიროთ პროდიუსერს, რომელიც გოგოებს სექსს სთავაზობდა! სექსი სწორია, სექსი კარგია. ჩვენი აზრით, როცა კაცი ქალს სექსს სთავაზობს, ეს ძალიან მაგარია. მას [ვაინშტაინს ] ხომ არ დაუძალებია ქალებისთვის რამე", - განაცხადა ერთ-ერთმა დემონსტრანტმა.

Lenta.ru-ს ცნობით, ორი აქტივისტი პოლიციამ დააკავა.

ჰარვი ვაინშტაინი ათწლეულების განმავლობაში ჰოლივუდის გავლენიანი პროდიუსერი იყო, თუმცა მისი კარიერა იმ ქალებმა დაასრულეს, რომლებზეც ის წლების განმავლობაში ძალადობდა.

ვაინშტაინი პირველად მსახიობმა ეშლი ჯადმა, ნიუ-იორკ ტაიმსის საშუალებით ამხილა. ჯადის გარდა, ჰარვის სექსუალური შევიწროების ბრალდებით უამრავი ქალი ადანაშაულებს, მათ შორის მისი ყოფილი ასისტენტები და ჰოლივუდის ისეთი გავლენიანი მსახიობები, როგორებიც არიან ანჯელინა ჯოლი, გვინეტ პელტროუ, ლინა ჰიდი და ა.შ.

ბრალდებების შემდეგ, ჰარვი ვაინშტაინის ცოლმა, ჯორჯიანა ჩეპმენმა, განქორწინებაზე შეიტანა საბუთები, ხოლო ამერიკულმა კინოაკადემიამ ის ორგანიზაციიდან გარიცხა.