პარტია მოქალაქეების ლიდერს, ალეკო ელისაშვილს, კიდევ ერთ ბრალს წარუდგენენ. ოპოზიციონერი პოლიტიკოსის ადვოკატის, გიორგი რეხვიაშვილის, განცხადებით, ელისაშვილს ახალ ბრალს დღეს იზოლატორში გააცნობენ.

როგორც ადვოკატმა NEWS.On.ge-ს განუცხადა, ელისაშვილს საქართველოს სისხლის სამართლის კოდექსის 366-ე მუხლით ედავებიან, რაც გულისხმობს "სასამართლოს უპატივცემულობა, რაც გამოიხატა მონაწილის შეურაცხყოფით". აღნიშნული მუხლი ერთ წლამდე თავისუფლების აღკვეთას ითვალისწინებს.

ადვოკატის ვარაუდით, ელისაშვილს ტერორიზმის საქმეზე მიმდინარე სასამართლო პროცესის დროს მოწმე პოლიციელის მისამართით ნათქვამი რეპლიკის გამო ედავებიან.

ალეკო ელისაშვილის წინააღმდეგ, დღევანდელი (2026 წლის 31 ივლისის) ახალი ბრალის ჩათვლით, ჯამში 4 სხვადასხვა ბრალდება/ეპიზოდი ფიგურირებს.

  • ძალადობის გამოყენებით ჩადენილი დევნა (2024 წელი) — 2024 წლის დეკემბერში ელისაშვილი დააკავეს ქართული ოცნების წევრზე, ალი ბაბაევზე, განხორციელებული თავდასხმის გამო. მას ბრალი სსკ-ის 156-ე მუხლის მე-2 ნაწილის "ა" ქვეპუნქტით აქვს წარდგენილი, რაც ძალადობით დევნას გულისხმობს;
  • ტერორისტული აქტის მცდელობა – I ეპიზოდი. ბრალდების თანახმად, ალეკო ელისაშვილმა 2025 წლის 29 ნოემბერს სასამართლო კანცელარიის დაწვა ცადა.
  • ტერორისტული აქტის მცდელობა – II ეპიზოდი. ოპოზიციონერმა პოლიტიკოსმა სასამართლო კანცელარიის დაწვა 2026 წლის მარტშიც ცადა;

ტერორიზმი მუხლით წარდგენილ ბრალდებებზე ელისაშვილს 13 წლით თავისუფლების აღკვეთა მიესაჯა.