ბაქო-თბილისი-ყარსის რკინიგზა ოფიციალურად დღეს, 30 ოქტომბერს იხსნება. საქართველოს პრემიერ-მინისტრი, გიორგი კვირიკაშვილი რკინიგზის გახსნის ოფიციალურ ცერემონიაზე აზერბაიჯანის პრეზიდენტმა, ილჰამ ალიევმა მიიწვია. ვიზიტის შესახებ ინფორმაცია გიორგი კვირიკაშვილის ფეისბუკზე ვრცელდება.

პრემიერთან ერთად აზერბაიჯანში არიან ეკონომიკისა და მდგრადი განვითარების მინისტრი, გიორგი გახარია; რეგიონული განვითარებისა და ინფრასტრუქტურის მინისტრი, ზურაბ ალავიძე; საქართველოს რკინიგზის გენერალური დირექტორი, მამუკა ბახტაძე და პრემიერ-მინისტრის მრჩეველი საგარეო ურთიერთობათა საკითხებში, თედო ჯაფარიძე.

ბაქო-თბილისი-ყარსის რკინიგზის მშენებლობის ხელშეკრულებას ხელი 2007 წელს სამი ქვეყნის - თურქეთის, აზერბაიჯანისა და საქართველოს მაშინდელმა პრეზიდენტებმა მოაწერეს ხელი. თავდაპირველი გათვლებით, მშენებლობა 2010 წელს უნდა დასრულებულიყო.