საქართველოს პრემიერ-მინისტრის, გიორგი კვირიკაშვილის თქმით, 21 ოქტომბერს ჩატარებული არჩევნები საერთაშორისო პარტნიორების მიერ სათანადოდ დაფასდება. ამის შესახებ პრემიერმა მთავრობის სხდომაზე განაცხადა.

"ეს იქნება ძალიან დიდი ქულა საქართველოს ევროპული და ევროატლანტიკური ინტეგრაციის პროცესში", - აღნიშნა პრემიერმა.

მისივე თქმით, წინასაარჩევნო პერიოდში შედარებით ნაკლები იყო სიძულვილის ენა, რაც ქვეყანას მომავალ განვითარებაში დაეხმარება.

მედიის განვითარების ფონდის კვლევის მიხედვით, 10-მა პოლიტიკურმა სუბიექტმა სხვადასხვა მედიასაშუალებაში 105 ანტიდასავლური და დისკრიმინაციული კომენტარი გააჟღერა.