დღეს დილით, ბათუმში, ხიმშიაშვილის ქუჩაზე, 43-ე სართულიდან კაცი გადმოვარდა, რომელიც მიღებული დაზიანებების შედეგად ადგილზევე გარდაიცვალა. ინფორმაციას "აჭარა თაიმსი" ავრცელებს.

მათივე ცნობით, ამ დროისთვის შემთხვევის ადგილზე ექსპერტ-კრიმინალისტები მუშაობენ და მიმდინარეობს საგამოძიებო მოქმედებები. მომხდარის ზუსტი მიზეზები და სხვა დეტალები ჯერჯერობით უცნობია.

"აჭარა თაიმსი" ასევე წერს, რომ ეს ხიმშიაშვილის ქუჩაზე მდებარე კერძო კომპანიის აპარტამენტებიდან ადამიანის გადმოვარდნის პირველი შემთხვევა არაა.