რამდენიმე თვის წინ, ილონ მასკმა ჰაიპერლუპის ნიუ-იორკი - ვაშინგტონის ხაზის აშენებაზე სიტყვიერი თანხმობა მიიღო, ახლა კი, როგორც The Baltimore Sun იუწყება, ნებართვა ოფიციალურადაც გაიცა.

მერილენდის გუბერნატორის ადმინისტრაციის ცნობით, მასკის კომპანიამ The Boring Co., ბალტიმორი - ვაშინგტონის ტრასის ქვეშ 16,5-კილომეტრიანი მიწისქვეშა გვირაბის გაყვანის ნებართვა მიიღო.

ჰაიპერლუპის ხაზი ოთხ ქალაქს, ნიუ-იორკს, ფილადელფიას, ბალტიმორსა და ვაშინგტონს დააკავშირებს. ახალი სატრანსპორტო საშუალებით ნიუ-იორკიდან აშშ-ს დედაქალაქში ჩასვლას 29 წუთი დასჭირდება. ამჟამად იმავე მანძილის დაფარვას, მანქანით ან ავტობუსით 4-5 საათი სჭირდება, მატარებლით - 8 საათი, ხოლო თვითმფრინავით საათი და 25 წუთი (ამაში არ ითვლება აეროპორტში რეგისტრაციისა და უსაფრთხოების წერტილების გავლა, ბარგის ჩაბარება-აღება და ა.შ.).