გარდაცვლილი მასწავლებლის გიგა ავალიანის საქმეზე დაკავებული სამი არასრულწლოვანი სასამართლომ დამნაშავედ ცნო. გადაწყვეტილება მოსამართლე, რომეო ტყეშელაშვილმა მიიღო. ამის შესახებ ინფორმაციას "ინტერპრესნიუსი" (IPN) ავრცელებს.

მათივე ცნობით, სხდომა, რომელზეც ასარსულწლოვნების სასჯელი განისაზღვრება 8 აპრილს გაიმართება.

IPN წერს, რომ სამივე არასრულწლოვანი სამივე მუხლში დამნაშავედ ცნეს. კერძოდ: ჯანმრთელობის განზრახ მძიმე დაზიანებაში ჯგუფურად, რასაც გარდაცვალება მოჰყვა, ასევე, ჯგუფური ძალადობის ორგანიზებასა და მონაწილეობაში.

აღნიშნულ სასამართლო პროცესზე მხარეებმა დასკვნითი სიტყვით ისარგებლეს, რის შემდეგაც ბრალდებულებმა საბოლოო სიტყვები წარმოთქვეს.

შეგახსენებთ, 1-ელ ოქტომბერს, თემქის დასახლებაში, ერთ-ერთი საცხოვრებელი კორპუსის მიმდებარე ტერიტორიაზე, 28 წლის მათემატიკის მასწავლებელსა და ექიმს, გიგა ავალიანს თავს დაესხნენ. თავდასხმისას მიღებული მძიმე თავის ტრავმით ავალიანი საავადმყოფოში მოათავსეს, სამ კვირაში კი, 24 ოქტომბერს გარდაიცვალა.

10 თებერვალს, პროკურატურის ბრიფინგზე ცნობილი გახდა, რომ გიგა ავალიანის მკვლელობისთვის 3 არასრულწლოვან ბრალდებულს ბრალდება დაუმძიმდა. ბრიფინგზე ასევე ცნობილი გახდა, რომ 3 ბრალდებულს ჯგუფური დანაშაული წარსულშიც ჩაუდენიათ — უწყება მათ ჯგუფური თავდასხმის 4 ეპიზოდზე ედავება.

მოკლული მასწავლებლის, გიგა ავალიანის მკვლელობის ფიგურანტ 3 ბრალდებულს 9-დან 14 წლამდე პატიმრობა ემუქრება ხუთივე ეპიზოდში გ.რ. მონაწილეობდა, ოთხ ეპიზოდში — დ.ჩ., ხოლო ა.გ. მხოლოდ ორ ეპიზოდში.

გიგა ავალიანის საქმეზე ა.გ.-ს და გ.რ.-ს ბრალი საქართველოს სისხლის სამართლის კოდექსის 117-ე მუხლის მე-4 ნაწილით აქვს წარდგენილი, რაც (ჯანმრთელობის განზრახ მძიმე დაზიანებას, ჩადენილი ჯგუფურად რამაც გამოიწვია სიცოცხლის მოსპობა) 14 წლამდე თავისუფლების აღკევთას გულისხმობს. დ.ჩ.-ს ბრალი სსკ-ის 8, 117-ე მუხლის მე-3 ნაწილის "ლ" ქვეპუნქტით აქვს წაყენებული, რაც ჯგუფური ძალადობის დაგეგმვას გულისხმობს.

მეტი გიგა ავალიანის საქმეზე: