მეუფე იაკობი: სასულიერო პირებს პირად თანადგომას ვეუბნები, ვინმეს გარედან შეწუხება თუ დაუწყეს, მითხრან და გარეთ არავის დავინდობ!

30 Mar. 2026, 10:26

"ბევრი ვნებათაღელვაა, დაბნეულია ერი და ლაპარაკი მიდის იმაზე, თუ ვინ იქნება პატრიარქი, როგორ იქნება. მთავარი ეს კი არ არის, პატრიარქს გამოვირჩევთ, რა თქმა უნდა, ღირსეული იქნება ვისაც გამოვირჩევთ, აქ მთავარი არის ის, რომ ზოგი ამბობდა ამას დაუჭირეთ მხარი, იმას დაუჭირეთ.

მოდი ჩავთვალოთ, რომ დაბნეულები რომ ვიყავით, იმიტომ ვამბობდით მაგას, თორემ ქრისტიანმა ადამიანმა რომ მაგი დაიწყოს ხომ, ეს აირჩიეთ, ის აირჩიეთ, ეს ნიშნავს, რომ ქრისტესგან დაშორებულია. არჩევა ხომ სულიწმიდით ხდება. მეც ვერ ვეტყვი ეპისკოპოსს, არ ვკადრებ, ღმერთს არ ვკადრებ იმას, რომ ამას დაუჭირეთ მხარი, იმას დაუჭირეთ.
ვიცი მე, ვინც უნდა ავირჩიო. განა არ ვიცი?! [...]

დღეს მთავარია სინოდი ძლიერად ვიყოთ და როცა გამოვირჩევთ პატრიარქს, პატრიარქთან ერთად ვაკეთოთ ერთი საქმე. ის კი არ არის მთავარი ვინ იქნება იმიტომ, რომ ჩვენს პატრიარქზე დიდი, ვინც არ უნდა იყოს, მთელი სინოდი რომ აგვიღოთ, იმის ფასი არ ვართ, მაგრამ ძალიან ძლიერი სინოდი დაგვტოვა და უწმინდესმა რა საქმეც დაიწყო, ბოლომდე მისაყვანი გვაქვს. [...]
გგონიათ, რომ ვინმეს ჩავრევთ რაიმე გადაწყვეტილებაში?! — გამორიცხულია! უწმინდესი ჩემზე იძახდა, მეუფე ისეთი ადამიანია, ჩიხში და მსგავს რაღაცაში არ მოხვდებაო. საქმისთვის თუ საჭირო გახდა, თავით კლდეებსაც გადაანგრევს და გავაო. არავის მივცემთ საშუალებას ჩვენთან რომ ჩაერიონ. სასულიერო პირებს პირად თანადგომას ვეუბნები: ვინმეს გარედან შეწუხება თუ დაუწყეს, მითხრან და გარეთ არავის დავინდობ! მე ხშირად ჩემ თავს ვაზიანებ და არავის ვაძლევ საშუალებას ეკლესიაში ხელები აფათუროს. უფლის შეწევნით, ისევ ის ვარ, ვინც ვარ, უფრო გაძლიერებული ვარ ჩემი უწმინდესის. ერთი წამთ არ დავუტოვებივარ, ვგრძნობ ჩემთან არის."

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

Bedford Falls ახალი მუსიკალური ალბომით დაბრუნდა — მოისმინეთ LAZYBONES