გრემის მფლობელი მუსიკოსი, ჰარი სტაილსი, Saturday Night Live-ის ჩაწერამდე გულშემატკივრებს პიცითა და ცხელი წვნიანით გაუმასპინძლდა.

ფანების თქმით, 32 წლის მუსიკოსმა მათ NBC-ის სატელევიზიო შოუს ჩაწერამდე საჭმელი გაუგზავნა. როგორც ისინი აღნიშნავენ, სტაილსგან ეს ჟესტი მოულოდნელი იყო. SNL-ის თანამშრომლებმა განაცხადეს, რომ One Direction-ის ყოფილმა წევრმა ფანებს საკვები პერსონალურად გაუგზავნა.

ფოტო: X

ფოტო: X

"ის ძალიან მიყვარს, თანაც როგორი საყვარელია", — წერს მუსიკოსის გულშემატკივარი X-ზე. "როგორი ყურადღებიანი ჯენტლმენია", — ამბობენ სხვები.

აღსანიშნავია, რომ ეს არ იყო პირველი შემთხვევა, როცა სტაილსი SNL-ში წამყვანის ამპლუაში ვიხილეთ, ის 2019 წელს Saturday Night Live-ის მთავარი წამყვანი და მუსიკალური შემსრულებელიც იყო.

ფოტო: Netflix

შეგახსენებთ, რომ ჰარი სტაილსმა 4-წლიანი პაუზის შემდეგ, ახალი სტუდიური ალბომი — Kiss All the Time. Disco, Occasionally. — გამოუშვა, რომელიც 12 სიმღერას შეიცავს და მისი აღმასრულებელი პროდიუსერი კიდ ჰარპუნია.

გარდა ამისა, 2026 წლის 16 მაისს მუსიკოსი ახალ ტურნეს იწყებს, სახელწოდებით Together, Together, რომელიც სათავეს ნიდერლანდებში აიღებს და 13 დეკემბერს ავსტრალიაში ჩატარებული კონცერტით დასრულდება.

მოისმინეთ ჰარი სტაილსის ახალი ალბომი:

თუ ჰარი სტაილსს თვალს ადევნებთ, აუცილებლად ნახეთ: