ბოლო რამდენიმე კვირაა, სოციალურ ქსელებში ფოტოები ვრცელდება ზენდეიასა და ტომ ჰოლანდის "ქორწილიდან". როგორც აღმოჩნდა, ხელოვნური ინტელექტის მიერ გენერირებულმა ფოტოებმა ბევრ ჩვენგანთან ერთად, ზენდეიას არაერთი ახლობელიც შეიყვანა შეცდომაში.

ზენდეიამ ჯიმი კიმელთან საუბრისას აღნიშნა, რომ ფოტოებმა "ძალიან ბევრი ადამიანი გააცურა". მსახიობის თქმით, ბევრი ნაცნობი მას გაუნაწყენდა, რადგან ზენდეიამ ისინი "ქორწილში არ დაპატიჟა".

ფოტო: AI

"გარეთ რომ გავდიოდი, ხალხი მეუბნებოდა 'ღმერთო ჩემო, შენი ქორწილის ფოტოები შესანიშნავი იყო' და მე ვპასუხობდი, 'ისინი ხელოვნური ინტელექტის მიერაა შექმნილია, არ არის ნამდვილი", — განმარტავს ზენდეია.

AI-ის მიერ შექმნილი სურათები სოციალურ ქსელებში გასულ კვირას გავრცელდა. ზენდეიასა და ტომ ჰოლანდის "საქორწინო" ფოტოებში რობერტ დაუნი უმცროსს, ტეილორ სვიფტს, ოლივია როდრიგოსა და კრის ევანსაც შენიშნავთ.

შეგახსენებთ, რომ ზენდეიასა და ტომ ჰოლანდის დაქორწინების ამბავი Actor Award-ზე ზენდეიას სტილისტმა, ლა როუჩმა, გვამცნო. მისი თქმით, წყვილს ქორწილი უკვე ჰქონდათ.

ტომი და ზენდეია ერთმანეთს Spider-Man-ის გადაღებაზე, 2016 წელს შეხვდნენ, ხოლო ურთიერთობა 2021 წელს გაასაჯაროვეს. მათი ნიშნობის ამბავი კი გასულ წელს გავრცელდა, როცა ზენდეია ოქროს გლობუსის დაჯილდოების ცერემონიაზე ნიშნობის ბეჭდით გამოჩნდა.

რაც შეეხება მათ სამსახიობო კარიერას, წყვილს Spider-Man: Brand New Day-ში 2026 წლის 31 ივლისს ვიხილავთ, ხოლო მანამდე ზენდეიასა და ტომ ჰოლანდის ნახვას კრისტოფერ ნოლანის ახალ მძაფრსიუჟეტიან ეპიკურ ფილმში, ოდისეაში, შევძლებთ, რომლის პრემიერის თარიღი ამა წლის 17 ივლისია.