რუსმა ტელეწამყვანმა, ქსენია სობჩაკმა განაცხადა, რომ 2018 წლის მარტში, რუსეთის საპრეზიდენტო არჩევნებზე, საკუთარი კანდიდატურის წამოყენებას აპირებს.

ქსენია სობჩაკმა, რომელიც სანქტ-პეტერბურგის ყოფილი მერის, (1991-1996) ანატოლი სობჩაკის შვილია, ინტერნეტში გაავრცელა მოკლე ვიდეომიმართვა, რომ აპირებს კანდიდატურის წამოყენებას.

მისი თქმით, ის ვლადიმერ პუტინის კონკურენტი გახდება, რომელიც უკვე თითქმის 17 წელია ქვეყანას მართავს :

სობჩაკის განმარტებით, ის ბოლო ხუთი წელია, ოპოზიციონერებთან ერთად გამოდის მიტინგებზე და მოითხოვს ცვლილებებს, თუმცა, მისივე თქმით, არაფერი იცვლება.

ვიდეოში ის განმარტავს, რომ მისი კანდიდატურა იქნება "ყველას წინააღმდეგ" ხმის მიცემის შესაძლებლობა:

"უნდა არსებობდეს არჩევანის საშუალება, რომ ხმა მისცე ყველას წინააღმდეგ. ეს გარანტიას გაძლევს, რომ შენს ხმას სხვა ვერავინ მიიღებს. თუმცა, ეს არჩევანი წაგვართვეს და ჩვენი ხმები ისეთი მარტივი მოსაპარია, რომ ხელისუფლებას ძალაუფლების ფლობა სამუდამოდ შეუძლია. მე 36 წლის ვარ და როგორც რუსეთის სხვა მოქალაქეებს, მეც მაქვს უფლება მონაწილეობა მივიღო საპრეზიდენტო არჩევნებში".