ალბათ არასდროს მოგისმენიათ იმ ზღაპრებზე, რომლებიც ვაშინგტონის ღამის კლუბში დაიწყო. არაუშავს. დღეს ჩვენ სწორედ ერთ-ერთ მათგანზე მოგიყვებით.

დაახლოებით 12 წლის წინ, ამერიკელი ქალი, არიანა ოსტინი, ვაშინგტონის ღამის კლუბში მეგობართან ერთად მივიდა, სადაც შორეული ქვეყნიდან ჩამოსულ უცნობ ბიჭს შეხვდა... დაგასპოილერებთ და გეტყვით, რომ ეს ბიჭი ეთიოპიის პრინცი აღმოჩნდება და 12 წლის შემდეგ მისი ქმარი გახდება.

"გაცნობიდან 5 წუთში ვუთხარი 'შენ ჩემი შეყვარებული უნდა გახდე'", იხსენებს პრინცი ზღაპრის დეტალებს. თუმცა დასძენს, რომ გაცნობის ღამეს არიანას თავისი წარსული დაუმალა და არ უთხრა, რომ ის ეთიოპიის უკანასკნელი მეფის შვილთაშვილი, პრინცი ჯოელი იყო.

ჯოელ მაკონენი რომში დაიბადა. მის მშობლებს კომუნისტების აჯანყების შემდეგ გადასახლებაში ცხოვრება მოუწიათ. ჯოელის მამა სისხლიან არეულობას გადაურჩა, რადგან ბუნტის დროს ის უცხოეთში სასწავლებლად იმყოფებოდა.

მას შემდეგ, რაც წყვილმა შეხვედრა დაიწყო, პროფესიით ადვოკატმა მაკონენმა არიანას სიმართლე გაუმხილა.

გაცნობიდან თითქმის 12 წლის შემდეგ, წყვილმა იქორწინა. არიანა და ჯოელი 33 და 35 წლისები არიან. ფოტოებით თუ ვიმსჯელებთ, მათ ნამდვილი სამეფო ქროწილი ჰქონიათ.