კახა კალაძე შაბათს და კვირას აბუ-დაბიში იმყოდებოდა და შექმნილი მდგომარეობიდან გამომდინარე, ჯერ-ჯერობით გამოფრენას ვერ ახერხებს, — ამის შესახებ ინფორმაციას "რადიო თავისუფლება" ავრცელებს.

ცნობისათვის, გუშინ "ტაბულამ" გაავრცელა ინფორმაცია იმის შესახებ, რომ დაბადების დღის აღსანიშნად წასული თბილისის მერი კახა კალაძე ცოლთან და თანმხლებ პირებთან ერთად, დუბაიში "ჩარჩა", რადგან აშშ-ისრაელის თავდასხმაზე ირანის საპასუხო იერიშების გამო, ავიარეისები გაუქმდა.

28 თებერვალს ისრაელმა და აშშ-მა ირანზე ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა. თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი.