"საერთაშორისო გამჭვირვალობა — საქართველო" (TI) ქართული ოცნების მიერ "გრანტების შესახებ" კანონში ბოლო დროს შეტანილ ცვლილებებს გამოეხმაურა.

TI წერს, რომ საკანონმდებლო პაკეტის მეორე მოსმენის რეჟიმში წარმოდგენილი ცვლილებებით სისხლის სამართლის კოდექსს ემატება ახალი მუხლი "ექსტრემიზმი საქართველოს კონსტიტუციური წყობილების წინააღმდეგ", რომლის ფართო და ბუნდოვანი ფორმულირებები ზრდის კრიტიკული აზრის გამო სისხლისსამართლებრივი პასუხისმგებლობის და შერჩევითი გამოყენების რისკს.

როგორც "საერთაშორისო გამჭვირვალობა — საქართველო" განმარტავს, ეს სიახლე პოტენციურ დამნაშავეებად აქცევს ჟურნალისტებს, ექსპერტებს, სამოქალაქო აქტივისტებს, ოპოზიციონერ პოლიტიკოსებს და საერთოდ ნებისმიერ ადამიანს, რომლის მოსაზრებებიც შეიძლება ხელისუფლებაში მყოფთ არ მოეწონოთ. მათივე თქმით,წესდება ახალი დამამძიმებელი გარემოება კონსტიტუციური წყობილების არაღიარების მოტივით ჩადენილი დანაშაულისთვის და"გრანტების შესახებ"კანონში გათვალისწინებულია გამონაკლისი დიპლომატიური და საერთაშორისო ორგანიზაციების თანამშრომლებისთვის.