აშშ-ის სენატმა უკრაინის სუვერენიტეტის მხარდამჭერი ორპარტიული რეზოლუცია მიიღო. ამის შესახებ ინფორმაციას აშშ-ში უკრაინის ელჩი, ოლჰა სტეფანშინა ავრცელებს.

მან მადლიერება გამოთქვა სენატორი შაჰინის, სენატორი ტომ ტილისის და ყველა იმ სენატორის მიმართ, ვინც ორპარტიულ რეზოლუციას მხარი დაუჭირა. მისი განმარტებით, რეზოლუცია ადასტურებს, რომ ნებისმიერი შეთანხმება მოლაპარაკების გზით უნდა სცემდეს პატივს უკრაინის სუვერენიტეტსა და ტერიტორიულ მთლიანობას. მისივე თქმით, ეს რეზოლუცია აღიარებს პრეზიდენტ ტრამპის მუდმივ ძალისხმევას საერთაშორისო პარტნიორებთან ერთად მდგრადი მშვიდობის მისაღწევად და ხაზს უსვამს რუსეთის ესკალაციურ თავდასხმებს, მათ შორის უკრაინაში მომუშავე ამერიკული კომპანიების მიზანმიმართულად სამიზნეში ამოღებას.

"მადლობელი ვარ სენატორი შაჰინის, სენატორი ტომ ტილისის და ყველა იმ სენატორის, ვინც მხარი დაუჭირა ორპარტიულ რეზოლუციას, რომელიც უკრაინაში რუსეთის სრულმასშტაბიანი შეჭრის მე-4 წლისთავს ეხება.

კერძოდ, რეზოლუცია: ადასტურებს, რომ ნებისმიერი შეთანხმება მოლაპარაკების გზით უნდა სცემდეს პატივს უკრაინის სუვერენიტეტსა და ტერიტორიულ მთლიანობას და უკრაინა უნდა იყოს ცენტრალური მხარე მისი მომავლის შესახებ გამართულ დისკუსიებში;

აღიარებს პრეზიდენტ ტრამპის მუდმივ ძალისხმევას საერთაშორისო პარტნიორებთან ერთად მდგრადი მშვიდობის მისაღწევად, რაც მოითხოვს აშშ-ის მხრიდან უკრაინის უსაფრთხოების მტკიცე გარანტიას — ეს აუცილებელია უკრაინისთვის გრძელვადიანი სამშვიდობო შეთანხმების მისაღწევად;

ხაზს უსვამს რუსეთის ესკალაციურ თავდასხმებს, მათ შორის უკრაინაში მომუშავე ამერიკული კომპანიების მიზანმიმართულად ამოღებას სამიზნეში, რათა სცადონ ამერიკული ინვესტიციების შეფერხება", — დაწერა ელჩმა სოციალურ ქსელში.

ამას გარდა, ვაშინგტონში გამართულ ტრანსატლანტიკური გაზის უსაფრთხოების სამიტზე, რომელსაც 12 ქვეყნის მინისტრი ესწრებოდა, ერთობლივი განცხადება მიიღეს. დოკუმენტი ევროპის ენერგეტიკულ უსაფრთხოებაში უკრაინის განსაკუთრებულ როლს აღიარებს. ელჩის განმარტებით, განხადებაში აღნიშნულია, რომ "უკრაინა ფლობს ევროპაში ერთ-ერთ უდიდეს გაზის მიწისქვეშა საცავს, რომელიც უნდა იყოს ინტეგრირებული რეგიონულ გაზის ბაზრებსა და კომერციულ სავაჭრო ჰაბებში, რაც ხელს შეუწყობს უკრაინის ეკონომიკურ აღდგენასა და რეკონსტრუქცია".

"ჩვენ ვაძლიერებთ ენერგეტიკულ პარტნიორობას ამერიკის შეერთებულ შტატებთან.

ტრანსატლანტიკური გაზის უსაფრთხოების დღევანდელ სამიტზე, რომელსაც 12 ქვეყნის მინისტრი ესწრებოდა, მიღებულ იქნა ერთობლივი განცხადება, რომელიც აღიარებს უკრაინის განსაკუთრებულ როლს ევროპის ენერგეტიკულ უსაფრთხოებაში. დოკუმენტში აღნიშნულია, რომ "უკრაინა ფლობს ევროპაში ერთ-ერთ უდიდეს გაზის მიწისქვეშა საცავს, რომელიც უნდა იყოს ინტეგრირებული რეგიონულ გაზის ბაზრებსა და კომერციულ სავაჭრო ჰაბებში, რაც ხელს შეუწყობს უკრაინის ეკონომიკურ აღდგენასა და რეკონსტრუქცია". სამიტზე უკრაინას წარმოადგენდა ენერგეტიკის მინისტრის მოადგილე ანატოლი კუცევოლი.

მადლობას ვუხდით აშშ-ის ენერგეტიკის დეპარტამენტს და მდივან რაიტს სამიტზე სოლიდარობის სიტყვებისთვის, იმ ფონზე, როდესაც უკრაინაში ომის მე-4 წლისთავია", — დაწერა ოლჰა სტეფანშინამ.