აღმოსავლეთ იტალიის ქალაქ უდინეს პოლიციამ ელექტროშოკის გამოიყენა 22 წლის ქართველი კაცის დასაკავებლად, რომელმაც ნასვამ მდგომარეობაში ვია დელ პარტიდორზე მდებარე ბარში შეურაცხყოფა მიაყენა პოლიციელებს და მათზე ფიზიკური ძალადობა, დარტყმა და ცემა სცადა. ამის შესახებ იტალიური მედია წერს.

სამართალდამცავების მცდელობები, დაეწყნარებინათ ახალგაზრდა და აღეკვეთათ მისი ძალადობრივი ქცევა, იმდენად წარუმატებელი აღმოჩნდა, რომ იმ საფრთხის გათვალისწინებით, რომელსაც ის დაწესებულების მომხმარებლებს ქმნიდა, ელექტროშოკის გამოყენება გახდა საჭირო.

რამდენიმე საათით ადრე, ოფიცრებს სხვა პოლიციის თანამშრომლებს დაეხმარნენ სხვა დაწესებულებაში ამავე ახალგაზრდა კაცის განეიტრალებაში. ის დააკავეს საჯარო მოხელის წინააღმდეგობის გაწევისა და სასამართლოს უპატივცემულობისთვის და სასამართლო პროცესის დაწყებამდე შინაპატიმრობა მიუსაჯეს.