ტელეკომპანია რუსთავი 2-ის ინფორმაციით, კრიმინალური ავტორიტეტი მინდია გორაძე, იგივე ლავას ოღლი თავისუფალია.

"მას სასჯელაღსრულებით დაწესებულებასთან დილიდან ელოდნენ გულშემატკივრები და ახლობლები. როგორც მასთან შეხვედრის შემდეგ ადვოკატმა განაცხადა, კრიმინალური ავტორიტეტი მინდია გორაძე საქართველოს დატოვებას არ აპირებს", - იუწყება რუსთავი 2.

საქართველოს შინაგან საქმეთა სამინისტროს ინფორმაციით, 2016 წლის 30 იანვარს მათმა თანამშრომლებმა 2015 წლის დეკემბერში მოლდოვის რესპუბლიკაში დაკავებული და დეპორტირებული, ე.წ. კანონიერი ქურდი მეტსახელად ლავას ოღლი თბილისის საერთაშორისო აეროპორტში დააკავეს.

საქმეზე გამოძიება კანონიერი ქურდობის და ჯგუფური გამოძალვის ორგანიზების ფაქტებზე მიმდინარეობდა.