ბრაიანმა შავ-თეთრი ძაღლი, ბრეივი, ზურგჩანთაში ჩასვა და მასთან ერთად სასეირნოდ გავიდა. როცა ბრაიანი მანჰეტენის ერთ-ერთ ქუჩაზე გადადიოდა, მან ქალი შენიშნა, რომელსაც ძაღლის მოფერება სურდა.

ყოყმანის გარეშე, ბრაიანი უკან გადაიხარა, რათა ქალს, ტრიშ კლენსისა და მის შვილს, შინეიდ კლენსი-ამერს, ძაღლის მოფერება შესძლებოდათ.

"შეიძლება სახლში წავიყვანო ?" — იკითხა ქალბატონმა კლენსიმ ღიმილით.

ფოტო: The New York Times

რაიან რაისბერგის მიზანიც სწორედ ეს იყო. "ძაღლები გარეთ გაგვყავს ვიდეოს გადასაღებად, რათა პატრონის პოვნაში დავეხმაროთ", — უპასუხა მან და აჩვენა მათი ვებგვერდი, სადაც ბრეივის ასაყვანად განაცხადის წარდგენა შეეძლოთ.

37 წლის რაისბერგს TikTok-ზე 4.1 მილიონი გამომწერი ჰყავს, რომლებიც უყურებენ ბრაიანის თავგადასავლებს მაქსინთან, მის 10 წლის კორგისთან, ერთად.

ივლისიდან — როცა ჯანმრთელობის პრობლემების გამო მაქსინი დროებით ჩამოშორდა თავის საყვარელ საქმიანობას — ბრაიანმა თანამშრომლობა დაიწყო ცხოველთა კეთილდღეობის ეროვნულ ორგანიზაციასთან, Best Friends Animal Society-თან, რათა ქალაქში მიუსაფარი ძაღლების რაოდენობა შეემცირებინათ.

აღსანიშნავია, რომ თავშესაფრის ძაღლებთან ერთად ვიდეოების გადაღება რაისბერგს მეგობარმა შესთავაზა, რათა მათ პატრონის პოვნაში დახმარებოდა. რაისბერგმა ეს იდეა ცხოველთა კეთილდღეობის ეროვნულ ორგანიზაციას გააცნო/

10 ივლისს, რაისბერგმა პირველი ვიდეო გამოაქვეყნა, რომელშიც 10 თვის ლეკვის, აქსელის, თავგადასავლები იყო ასახული — როგორ შედიოდა ის მეტროში და დარბოდა ცენტრალურ პარკში.

აქსელის ვიდეო ორ მილიონზე მეტმა ადამიანმა ნახა. ცხრა დღის შემდეგ რაისბერგმა ახალი ვიდეო გამოაქვეყნა წარწერით — "გამოიცანით, ვინ მიდის დღეს სახლში!" აქსელის ახალი პატრონი ქალი იყო, რომელმაც ძაღლის ვიდეო ტიკტოკზე ნახა.

ფოტო: The New York Times

რაისბერგი და მაქსინი ისევ აგრძელებენ თავგადასავლებს. ცოტა ხნის წინ, მისი მე-10 დაბადების დღისთვის, რაიანი Empire State Building-ის კიბეებზე ავიდა, მას ზურგჩანთაში მაქსინი ჰყავდა ჩასმული.

ერთ-ერთი ძაღლი, სახელად ბიგ ბერტა, ბრაიანმა თითქმის თავად აიყვანა. ნიუ-იორკის ცხოველთა მოვლის ცენტრების შემდგომი პოსტის თანახმად, ბიგ ბერტას ვიდეო ერთმა ოჯახმა ნახა და მისი აყვანა გადაწყვიტა. მას შემდეგ ძაღლს ბეტი უაითი დაარქვეს.

ფოტო: The New York Times

რაც შეეხება ბრეივს, ის მანამდე იშვილეს, სანამ რაისბერგი მის ვიდეოს გამოაქვეყნებდა. 2026 წელს ბრაიანი გეგმავს, რომ Best Friends Animal Society-ს ეწვიოს იუტაში.

"ამ საქმეს გავაგრძელებ მანამ, სანამ ეს შემიძლია", — აღნიშნა ბრაიანმა.