"ოცნების" პარლამენტის თავმჯდომარე, შალვა პაპუაშვილი აცხადებს, რომ საქართველოში დიდი ბრიტანეთის ელჩმა გარეტ უორდმა კავკასიის უნივერსიტეტის სტუდენტებთან შეხვედრაზე დეზინფორმაცია გაავრცელა, როცა თქვა, რომ "გაერთიანებული სამეფოს პოლიტიკური ურთიერთობა საქართველოსთან დაზიანებულია, რადგან არსებობს ანტიდემოკრატიული ზეწოლა ოპოზიციასა და სამოქალაქო საზოგადოებაზე".

პაპუაშვილი აცხადებს, რომ ეს ფაქტი კიდევ უფრო აღვივებს კითხვებს — ვინ დგას BBC-ის სიუჟეტის უკან, ეს არის თვითშემოქმედება ცალკეული ჟურნალისტის, თუ ეს არის სახელმწიფოს ჩართულობით წარმოებული ჰიბრიდული ოპერაცია საქართველოს წინააღმდეგ

"რა თქმა უნდა, ეს არის ტყუილი და, რა თქმა უნდა, საგანგაშოა, როცა ელჩი პირადად არის ჩართული დეზინფორმაციის გავრცელებაში და ორმაგადაა საგანგაშო, რომ ამას აკეთებს სტუდენტებთან შეხვედრით და ამით ხდება ტვინის გამორეცხვა სტუდენტებისთვის, მათთვის დეზინფორმაციული ნარატივის თავს მოხვევით. წარმოგიდგენიათ თქვენ, რომ საქართველოს ელჩი დიდ ბრიტანეთში დადიოდეს უნივერსიტეტებში და დაკავებული იყოს ბრიტანეთის ხელისუფლების წინააღმდეგ პოლიტიკური კამპანიით. ეს არის პოლიტიკური კამპანია საქართველოს ხელისუფლების წინააღმდეგ, რომლის მონაწილეც აღმოჩნდა ბრიტანეთის ელჩი, რომელიც პირდაპირ ავრცელებს ტყუილს და დეზინფორმაციას. სადაც ელჩი არის თავად ჩართული დეზინფორმაციის გავრცელებაში, ანტიქართულ დეზინფორმაციაში, რომელიც მიმართულია ხელისუფლების წინააღმდეგ პოლიტიკური კამპანიის საწარმოებლად. აქ გაკვირვებას არ იწვევს, როცა BBC, საჯარო ტელევიზია ავრცელებს დეზინფორმაციას და რა თქმა უნდა პირიქით ეს უფრო აღვივებს იმ კითხვებს, რომელიც საზოგადოებისგან გვესმის თუ ვინ დგას BBC-ის სიუჟეტის უკან, ეს არის თვითშემოქმედება ცალკეული ჟურნალისტის, თუ ეს არის სახელმწიფოს ჩართულობით წარმოებული ჰიბრიდული ოპერაცია საქართველოს წინააღმდეგ. სამწუხაროდ ბრიტანეთის ელჩის პირადი მონაწილეობა დეზინფორმაციის გავრცელებაში და ხელისუფლების წინააღმდეგ ცრუ ნარატივის გავრცელებაში ასეთ ეჭვებს უღვივებს ჩვენ საზოგადოებას.

ბრიტანეთის ელჩმა სტუდენტებთან შეხვედრის დროს განაცხადა, რომ გაერთიანებული სამეფოს პოლიტიკური ურთიერთობა საქართველოსთან დაზიანებულია, რადგან არსებობს ანტიდემოკრატიული ზეწოლა ოპოზიციასა და სამოქალაქო საზოგადოებაზე. ვიმედოვნებთ, რომ საქართველოს მთავრობა დაბრუნდება ევროატლანტიკურ გზაზე", — თქვა პაპუაშილმა.