მოსკოვში არ გამორიცხავენ, რომ ვაშინგტონს რუსეთში დიპლომატიური მისიის შემცირება კიდევ ერთხელ მოსთხოვონ. ამის შესახებ Ria.ru-სთან ინტერვიუში ისაუბრა რუსეთის საგარეო საქმეთა სამინისტროს ჩრდილოეთ ამერიკის დეპარტამენტის დირექტორმა, გეორგი ბორისენკო.

"დიპლომატიაში არსებობს ნაცვალგების შეუვალი პრინციპი და ამერიკელებმა ამის შესახებ კარგად იციან. თუ ისინი ასე იქცევიან, ე.ი. ისინი თანხმა არიან, რომ რუსეთში მათ საგარეო უწყებებს შეგვიძლია სარკისებურად მოვექცეთ. რაც შეეხება კონკრეტულ ზომებს, თუ ეს საჭირო იქნება, ჩვენ მათ მივიღებთ", - განაცხადა ბორისენკომ.

კონკრეტულ ზომებზე საუბრისას ბორისენკო აღნიშნა, რომ სამინისტროში ამერიკელი დიპლომატების რაოდენობის 455-დან 300-მდე შემცირებას არ გამორიცხავენ.

სექტემბრის დასაწყისში აშშ-მა რუსეთს სან-ფრანცისკოში გენერალური საკონსულოს დახურვა მოსთხოვა. მათი ინფორმაციით, აშშ რუსი დიპლომატების ქვეყნიდან გაძევებას არ აპირებს. რუსეთს შეუძლია არსებული შენობები საკუთრებაში დაიტოვოს, მაგრამ მათ დიპლომატიური მისიებისთვის ვერ გამოიყენებს.

2017 წლის ივლისის ბოლოს რუსეთის ხელისუფლებამ აშშ-ის მთავრობისგან რუსეთში დიპლომატების რაოდენობის შემცირება მოითხოვა. გარდა ამისა, რუსეთის საგარეო საქმეთა სამინისტრომ ამერიკის საელჩოს მათ განკარგულებაში არსებული აგარაკითა და განთავსებული საწყობებით სარგებლობა აუკრძალა.

მოსკოვის მოთხოვნა იყო საპასუხო დარტყმა აშშ-ს ახალ სანქციებზე, რომელსაც ამერიკის პრეზიდენტმა, დონალდ ტრამპმა საბოლოოდ ორ აგვისტოს მოაწერა ხელი.

23 აგვისტოს აშშ-ის დიპლომატიურმა მისიამ რუსეთში განაცხადა, რომ რუსეთის მასშტაბით არასაიმიგრაციო ვიზების გაცემას განუსაზღვრელი დროით წყვეტდა. განცხადების მიხედვით, ეს გადაწყვეტილება რუსეთის მიერ აშშ-ის დიპლომატების რიცხვის შემცირების გამოა მიღებული.