ევროკომისიის პრესსპიკერი საგარეო და უსაფრთხოების საკითხებში, ანიტა ჰიპერი BBC-ის ჟურნალისტურ გამოძიებაზე საუბრისას ამბობს, რომ ელოდებიან "სწრაფ, გამჭვირვალე და სანდო გამოძიებას ამ ბრალდებებთან დაკავშირებით".

"ჩვენც ახლახან ვნახეთ მედიაში გავრცელებული ცნობები დემონსტრანტების წინააღმდეგ ქიმიური იარაღის გამოყენების შესახებ. თუ ეს დადასტურდა, მიუღებელი იქნება. ასე რომ, ველით სწრაფ, გამჭვირვალე და სანდო გამოძიებას ამ ბრალდებებთან დაკავშირებით", — თქვა ანიტა ჰიპერმა "ევროსკოპის" მიერ დასმული კითხვის საპასუხოდ.

შეგახსენებთ, რომ BBC-ის ცნობით, 2024 წელს ქართული ოცნების რეჟიმმა პროევროპული საპროტესტო აქციების დასარბევად პირველი მსოფლიო ომის დროინდელი ქიმიური იარაღი გამოიყენა.