ნატოს საპარლამენტო ასამბლეის 63-ე ყოველწლიურ შეხვედრაზე საქართველოს მხარდამჭერი რეზოლუცია მიიღეს. ქალაქ ბუქარესტში, ნატოს საპარლამენტო ასამბლეის შეხვედრის შედეგებს საქართველოს პარლამენტი ავრცელებს.

როგორც უწყებაში განმარტავენ, სტაბილურობა და უსაფრთხოება შავი ზღვის რეგიონში რეზოლუციის მიხედვით:

  • ასამბლეა მხარს უჭერს საქართველოს ევროატლანტიკურ ინტეგრაციას;
  • გამოხატავს ღრმა შეშფოთებას საქართველოს ტერიტორიების ოკუპაციისა და ამ ტერიტორიების მილიტარიზაციის გამო;
  • გმობს ადამიანის ფუნდამენტური უფლებების დარღვევის ფაქტებს და რუსეთის მიერ ნატო-ს ასპირანტი და ალიანსთან ურთიერთობის გაღრმავების მსურველი მეზობლების დაშინებისა და დესტაბილიზაციის მცდელობებს.

"საპარლამენტო ასამბლეა ასევე მოუწოდებს ნატოს წევრი ქვეყნების მთავრობებსა და პარლამენტებს გააგრძელონ საქართველოსთან შავი ზღვის რეგიონის უსაფრთხოებასთან დაკავშირებული სტრატეგიული დისკუსიები, გაზარდონ საქართველოს ჩართულობა რეგიონული უსაფრთხოების გამყარებისკენ მიმართულ ნატოს აქტივობებში და ხელი შეუწყონ ბუქარესტის 2008 წლის სამიტის გადაწყვეტილების აღსრულების მიზნით პოლიტიკურ გადაწყვეტილებას და კონკრეტულ ნაბიჯებს", - აღნიშნავენ პარლამენტში.