პრეზიდენტმა დონალდ ტრამპმა კვირას განაცხადა, რომ რესპუბლიკელები მუშაობენ კანონპროექტზე, რომელიც სანქციებს დაუწესებს ნებისმიერ ქვეყანას, რომელსაც რუსეთთან საქმიანი ურთიერთობები აქვს. Reurters იუწყება, რომ ამ სიას შესაძლოა ირანიც დაემატოს.

"როგორც გავიგე, ამას აკეთებენ და ჩემთვის ეს მისაღებია. რესპუბლიკელები იღებენ კანონპროექტს, რომელიც ძალიან მკაცრია, სანქციებია და ა.შ. და ა.შ. ნებისმიერ ქვეყანაზე, რომელსაც რუსეთთან ბიზნესსაქმიანობა აქვს. შესაძლოა, ამას ირანიც დაამატონ, როგორც იცით, მე შევთავაზე ეს.

ასე რომ, ნებისმიერი ქვეყანა, რომელიც რუსეთთან ბიზნესს აკეთებს, ძალიან მკაცრად დასანქცირდება — ჩვენ, შესაძლოა, ფორმულას ირანიც დავუმატოთ", — დასძინა მან.