400-ლარიანი ჯებირის დაზიანების გამო დაკავებულმა საბა მეფარიშვილმა და ომარ ოკრიბელაშვილმა საპატიმროები დატოვეს.

მეფარიშვილსა და ოკრიბელაშვილს 2024 წლის 14 მაისს რუსული კანონის საპროტესტო აქციაზე 400-ლარიანი ჯებირის ჯგუფურად დაზიანება ედებოდათ ბრალად.

მიმდინარე წლის 20 იანვარს საპროცესო შეთანხმების საფუძველზე, ოკრიბელაშვილს და მეფარიშვილს სასჯელის სახედ და ზომად 1 წლით და 6 თვით თავისუფლების აღკვეთა განესაზღვრათ, 1 წლით თავისუფლების აღკვეთა კი პირობით მსჯავრად ჩაეთვლებათ.

14 მაისის აქციაზე პოლიციის ჯებირის დაზიანებისთვის, ჯგუფურად ჩადენილი ნივთის დაზიანების ბრალდებით 2005 წელს დაბადებული ომარ ოკრიბელაშვილი და 2001 წელს დაბადებული საბა მეფარიშვილი 16 მაისს დააკავეს.

მათ წინააღმდეგ გამოძიება სისხლის სამართლის კოდექსის 187-ე მუხლის მე-2 ნაწილის "გ" ქვეპუნქტით მიმდინარეობდა, რაც ჯგუფურად ნივთის დაზიანებას გულისხმობს, რაც 6 წლამდე ვადით თავისუფლების აღკვეთას ითვალისწინებს.

მეტი საბა მეფარიშვილის და ომარ ოკრიბელაშვილის საქმეზე: