დღეს, 27 დეკემბერს, "400-ლარიანი ჯებირების" საქმეზე დაკავებული ახალგაზრდების, ომარ ოკრიბელაშვილისა და საბა მეფარიშვილის სასამართლო სხდომა, პროკურატურის შუამდგომლობით გადაიდო. ამის შესახებ მედია "პუბლიკას" სასამართლოში განუცხადეს.

ადვოკატის თქმით, მიზეზად პროკურორის სხვადასხვა საგამოძიებო მოქმედებაში მონაწილეობა სახელდება.

ამასთან, ოკრიბელაშვილისა და მეფარიშვილის საქმის განხილვა დღეს დასკვნითი სიტყვების ეტაპზე უნდა გადასულიყო.

"რუსული კანონის" აქციაზე დაკავებულების ადვოკატები საუბრობენ საქმის გაჭიანურებაზე, რომლის მიზანიც არის ის, რომ საქართველოს პრეზიდენტმა, სალომე ზურაბიშვილმა ვერ მოასწროს მსჯავრდებულების შეწყალება.

ცნობისთვის, მოსამართლის ჯანმრთელობის მდგომარეობის საფუძველზე, ახალგაზრდების საქმე რამდენჯერმე გადაიდო.