2026 წელს გათვალისწინებულია საჯარო მოხელეთა ანაზღაურების 10%-იანი ზრდა. ამის შესახებ ოცნების ხელისუფლების ფინანსთა მინისტრმა, ლაშა ხუციშვილმა 2026 წლის ბიუჯეტის პროექტის განხილვისას განაცხადა.

მისი თქმით, ასევე, 10%-ით გაიზრდება პოლიციელებისა და ჯარისკაცების ხელფასები.

როგორც ხუციშვილმა აღნიშნა, თავდაცვის, შინაგან საქმეთა სამინისტროსა და უსაფრთხოების სამსახურების დასაფინანსებლად 2026 წელს გამოყოფილია 3,5 მილიარდ ლარზე მეტი, თავდაცვის ინფრასტრუქტურისა და შესაძლებლობების განვითარებისათვის გათვალისწინებულია 445,0 მილიონი ლარი.

ლაშა ხუციშვილის განცხადებით, მომავალი წლის ბიუჯეტის პროექტის საბოლოო ვარიანტი მომდევნო 2 კვირის ვადაში ჩამოყალიბდება. ოცნების ფინანსთა მინისტრის თქმით, გარკვეული ცვლილებები შევა მიმდინარე წლის ბიუჯეტშიც, რომელიც პარლამენტს განსახილველად მიმდინარე თვის ბოლომდე წარედგინება.