პროკურატურის განცხადებით, "კანონიერი ქურდობის", "ქურდული სამყაროს" წევრობის, "ქურდული სამყაროს" საქმიანობის მხარდაჭერის და "კანონიერი ქურდისთვის" მიმართვის ფაქტებზე უწყებამ 43 პირს ბრალდება წარუდგინა. ბრალდებულებისგან 34 პირი სამართალდამცავებმა ჩატარებული ღონისძიების შედეგად დააკავეს. ექვს პირს ბრალდება დაუსწრებლად, ხოლო სამ პირს ბრალდება პენიტენციურ დაწესებულებაში წარედგინათ.

"შინაგან საქმეთა სამინისტროში ჩატარებული გამოძიებით დადგინდა, რომ "ქურდული სამყაროს" წევრები, "ქურდული სამყაროს" საქმიანობის მხარდაჭერაში ბრალდებულ პირებთან ერთად, მოდავე მხარეების მიმართვის საფუძველზე, როგორც საზღვარგარეთ მყოფი ე.წ. "კანონიერი ქურდების" დავალებით, ისე დამოუკიდებლად, სისტემატურად აწყობდნენ "ქურდულ გარჩევებს" და მხარეებს შორის არსებულ ფინანსურ დავებს განიხილავდნენ. ასევე მოქალაქეებს სძალავდნენ თანხებს.

გამოძიებით ასევე დადგინდა, რომ ე.წ. "კანონიერმა ქურდმა" "ქურდული სამყაროს" წევრებს დაავალა, რომ "ქურდული სამყაროს" წევრების და მხარდამჭერების მეშვეობით პენიტენციურ დაწესებულებაში მყოფი ერთ-ერთი ბრალდებულის მიმართ ე.წ. "ქურდული გადაწყვეტილება" აღესრულებინათ, რაც მის მიმართ სადამსჯელო მოქმედებებს ითვალისწინებდა," — წერია უწყების განცხადებაში.

შეგახსენებთ, პროკურატურის გაცხადებით, სპეცოპერაციის დროს, მირზა ალიევმა ცეცხლი გაუხსნა სპეცრაზმელს, რომელიც გულ-მკერდში მძიმედ დაიჭრა, რის შემდეგაც ალიევი ადგილზე იქნა ლიკვიდირებული.

შსს: "ქურდული სამყაროს" წარმომადგენელმა, მირზა ალიევმა ცეცხლი გაუხსნა სპეცრაზმელს — ალიევი ადგილზე იქნა ლიკვიდირებული