შინაგან საქმეთა სამინისტროს განცხადებით, ე.წ. ქურდული სამყაროს წევრობის ბრალდებით 34 პირი დააკავეს — 7 პირს კი, მათ შორის პენიტენციურ დაწესებულებაში მყოფ 2 პირს და საზღვარგარეთ მყოფ 4 პირს და ერთ "კანონიერ ქურდს" ბრალი დაუსწრებლად წარედგინა.

უწყების გაცხადებით, სპეცოპერაციის დროს, მირზა ალიევმა ცეცხლი გაუხსნა სპეცრაზმელს, რომელიც გულ-მკერდში მძიმედ დაიჭრა, რის შემდეგაც ალიევი ადგილზე იქნა
ლიკვიდირებული. დანაშაულები 15 წლამდე ვადით თავისუფლების აღკვეთას ითვალისწინებს.

"ღონისძიების მიმდინარეობის დროს, ლაგოდეხის რაიონის სოფელ კაბალში
ერთ-ერთმა დასაკავებელმა პირმა, 1973 წელს დაბადებულმა მირზა ალიევმა,
რომელზეც გაცემული იყო მოსამართლის განჩინება დაკავების შესახებ,
ინტენსიური ცეცხლი გახსნა სპეციალური დანიშნულების რაზმის თანამშრომლების
მისამართით. შედეგად გულმკერდის არეში მძიმედ დაიჭრა ერთ-ერთი სპეცრაზმელი.
პოლიციის საპასუხო ცეცხლის შედეგად მირზა ალიევი ადგილზე იქნა
ლიკვიდირებული.

საპოლიციო ღონისძიება ცენტრალური კრიმინალური პოლიციის, თბილისის, კახეთის,
მცხეთა-მთიანეთისა და განსაკუთრებულ დავალებათა დეპარტამენტების
თანამშრომლებმა, მთელი ქვეყნის მასშტაბით, ერთდროულად ჩაატარეს," — ვკითხულობთ განცხადებაში.

უწყების განცხადებაში ვკითხულობთ, რომ აღნიშნული პირები "ქურდულ გარჩევებს" აწყობდნენ. , სადაც პირობების დამრღვევებს საჯარიმო თანხას სთხოვდნენ და სიცოცხლის მოსპობით ემუქრებოდნენ. ჩხრეკის შედეგად სახლებიდან ამოიღეს ცეცხლსასროლი იარაღები, ნარკოტიკები და დიდი ოდენობის თანხა.

გამოძიება საქართველოს სისხლის სამართლის კოდექსის 223-ე კვარტა მუხლის
პირველი, 223-ე ტერცია მუხლის მე-2 და 223-ე პრიმა მუხლის პირველი და მე-2
ნაწილებით, ასევე, 109-ე და 181-ე მუხლებით მიმდინარეობს.