"სხვები ვერ დამიდგენენ, ვინ ვარ", — სიდნი სვინი თავის სკანდალურ კამპანიაზე

სიდნი სვინი American Eagle-ის კამპანიის — "სიდნი სვინის შესანიშნავი ჯინსები აქვს" — გარშემო ატეხილ სკანდალს ეხმაურება.

ჟურნალ GQ-სთან ინტერვიუში სერიალ ეიფორიას ვარსკლავმა განაცხადა, რომ ის ვერ ხედავდა კამპანიის გარშემო ატეხილ სკანდალზე კომენტარის გაკეთების აუცილებლობას. "მე აქ იმისთვის არ ვარ, რომ ხალხს ვუთხრა, რა იფიქრონ", — აცხადებს ის.

"ვიცი, ვინც ვარ და რა ღირებულებებიც მაქვს. ვიცი, რომ კეთილი ადამიანი ვარ", — ამბობს ემის ნომინანტი მსახიობი — "სხვები ვერ დამიდგენენ, ვინ ვარ".

კამპანიასა და საზოგადოების ნაწილის მხრიდან უკმაყოფილებაზე საუბრისას, სვინი აცხადებს, რომ მან უბრალოდ ჯინსების რეკლამა გააკეთა და მისთვის რეაქცია მოულოდნელი იყო. მისი თქმით, კამპანიის ირგვლივ ატეხილმა სკანდალმა მასზე საერთოდ არ იმოქმედა.

"ყოველდღე ეიფორიას გადაღებებზე ვიყავი, დღეში 16 საათი ვმუშაობდი და გადასაღებ მოედანზე ტელეფონი არ მიმქონდა. ამიტომ, კრიტიკული პოსტები დიდად არ მინახავს", — აცხადებს სვინი.

შეგახსენებთ, რომ რამდენიმე თვის წინ American Eagle-ის სარეკლამო კამპანიამ — რომელშიც მსახიობი სიდნი სვინი მონაწილეობს — ინტერნეტსივრცეში დიდი აჟიოტაჟი გამოიწვია. ინტერნეტმომხმარებლები ამბობდნენ, რომ კამპანია რასისტულ მესიჯს შეიცავდა.

კამპანიის სლოგანი "შესანიშნავი გენების" სიტყვების თამაშია. ერთ-ერთ ვიდეოში, სვინი საკუთარი პოსტერის წინ დგას, სადაც წერია — "სიდნი სვინის შესანიშნავი გენები აქვს". ფოტოზე სიტყვა "გენები" გადახაზულია და ჩანაცვლებულია — "ჯინსებით".

სიტყვა "გენებზე" აქცენტმა, ხალხში დიდი უკმაყოფილება გამოიწვია. მათი თქმით კამპანია თეთრკანიანების უპირატესობაზე მიუთითებს და "ნაცისტურ პროპაგანდას" ეწევა. აღსანიშნავია, რომ ზოგიერთი ანალიტიკოსის აზრით, კამპანიის გარშემო არსებული მწვავე დებატები ხელოვნურად შექმნილი იყო.

დონალდ ტრამპი სიდნი სვინის სკანდალს ეხმაურება და ტეილორ სვიფტს აკრიტიკებს

American Eagles-მა კამპანიის გარშემო ატეხილ სკანდალზე კომენტარი ჯერ კიდევ აგვისტოში გააკეთა. კომპანიის განცხადებით, რეკლამის სათქმელი მხოლოდ ის იყო, როგორი კომფორტულია მათი ჯინსები და როგორ სძენს მომხმარებელს თავდაჯერებულობას.

მოგვიანებით, კამპანიას დონალდ ტრამპი გამოეხმაურა. აშშ-ის პრეზიდენტის თქმით, რეკლამა ცეცხლოვანი იყო და მსახიობს წარმატება უსურვა.