IPN-ს ინფორმაციით, პირი, რომელიც დადიანის ქუჩაზე მიმდინარე აქციაზე, ავტომობილით შევარდა, ფსიქიატრიულ დაწესებულებაშია გადაყვანილი.

გუშინ, სოციალურ ქსელში გავრცელდა კადრები, რომელშიც უცნობი პირი აქციის მონაწილეების სიახლოვეს ავტომობილით "დრფიტაობს" და აღნიშნული ქმედების დროს ერთ-ერთ მანქანას ეჯახება. აღნიშნულმა პირმა ასევე მსუბუქად გაიტანა პოლიციელი, რომელიც მის შეჩერებას ცდილობდა და შემდეგ ადგილიდან მიიმალა.

NEWS.On.ge-მ აღნიშნულ ინფორმაციასთან დაკავშირებით შსს-ს მიმართა, მაგრამ უწყებამ კომენტარის გაკეთებისგან თავი შეიკავა. აღნიშნულ ფაქტზე ადმინისტრაციული წესის 123-ე და 125-ე მუხლებით დაიწყო, რაც სატრანსპორტო საშუალების გაჩერების შესახებ პოლიციელის მოთხოვნის შეუსრულებლობასა და სატრანსპორტო საშუალების მძღოლის მიერ საგზაო მოძრაობის წესების დარღვევას გულისხმობს.

შეგახსენებთ, ბოლო დღეებია მშობლები და მოსწავლეები ცოტნე დადიანის ქუჩას კეტავენ — მათი მოთხოვნაა მეათე საჯარო სკოლისთვის ფართის გამოყოფა და ახალი სკოლის აშენება.