ტელეკომპანია რუსთავი 2-ის გენერალური დირექტორი, ნიკა გვარამია ამბობს, რომ მათი არხი თანხმაა მონაწილეობა მიიღოს თბილისის მერობის კანდიდატებს შორის გამართულ ყველა დებატში. ამის შესახებ გვარამიამ მმართველი პარტიის, ქართული ოცნების შეთავაზების - მერობიის კანდიდატებს შორის ყველა არხისთვის საერთო დებატების ორგანიზებაზე - პასუხად განაცხადა.

"არ მივცემთ ამის ფუფუნებას ბატონ [კახა] კალაძეს, რომ მიზეზად მოიდოს რუსთავი 2-ის პოზიცია დებატების ჩასაშლელად. არსებობს სამთავრობო ტელევიზიები, კარგად ცნობილია ვინ არიან სამთავრობო ტელევიზიები მათი მეშვეობით ჩაშალოს თუ უნდა დებატები. რუსთავი 2 მიიღებს ნებისმიერ საერთო დებატში მონაწილეობას, იგი თანახმაა ნებისმიერ ფორმატზე, ოღონდ, არასამთავრობო ტელევიზიების ტერიტორიებზე, რა თქმა უნდა. ოღონდ, ეს იმას არ ნიშნავს, რომ ჩვენ საკუთარ დებატებს გავაუქმებთ", - განაცხადა გვარამიამ.

მმართველ პარტიას შეთავაზებაზე საზოგადოებრივმა მაუწყებელმა უპასუხა, რომ არ გეგმავს ფორმატის ცვლილებას. TV პირველში კი ამბობემ რომ მზად არიან საერთო დებატების გამართვაზე.

ქართული ოცნების თბილისის მერობის კანდიდატის, კახა კალაძის შტაბის ხელმძღვანელმა, არჩილ თალაკვაძემ დღეს განაცხადა, რომ მათი კანდიდატი მზადაა საერთო დებატში მიიღოს მონაწილეობა, რომელიც ყველასთვის თანაბარ პირობებს უზრუნველყოფს.