ლატვიის საგარეო საქმეთა სამინისტრო საქართველოში გერმანიის ელჩ პეტერ ფიშერის მხარდამჭერ განცხადებას X-ზე აქვეყნებს.

უწყების განმარტებით, ქართული ოცნების წარმომადგენლების მიერ გერმანიის ელჩ პეტერ ფიშერის მიმართ გამოთქმული ბრალდებები და მტრული რიტორიკა შემაშფოთებელია.

"ჩვენ ელჩ პეტერ ფიშერსა და ჩვენს გერმანელ კოლეგებს მხარს ვუჭერთ.

ქართული ოცნების წარმომადგენლების მიერ გერმანიის ელჩ პეტერ ფიშერის მიმართ გამოთქმული უსაფუძვლო ბრალდებები და მტრული რიტორიკა მეტად შემაშფოთებელია.

დიპლომატების ასეთ ფორმით მიზანში ამოღება არა მხოლოდ ეთიკური და დიპლომატიური ურთიერთპატივისცემის პრინციპებს არღვევს, არამედ საქართველოს საერთაშორისო იზოლაციისკენ მიაქანებს", — წერია განცხადებაში.

გერმანიამ ელჩი პეტერ ფიშერი საქართველოდან კონსულტაციებისთვის 19 ოქტომბერს გაიწვია. მათი განმარტებით, მათი ამ გადაწყვეტილების მიზეზი საქართველოს ხელისუფლების მიერ ევროკავშირის, გერმანიის და პირადად ელჩის წინააღმდეგ გაკეთებული განცხადებებია.