CNN-ის ინფორმაციით, ახალგაზრდა იაპონელი ქალის მკვლელობის გამო, ათიათასობით იაპონელი მოითხოვს, აშშ-ს ქვედანაყოფებმა კუნძულ ოკინავაზე ბაზები დატოვოს.

საპროტესტო ტალღა მაშ შემდეგ დაიძრა, რაც ერთი თვის წინ, 20 წლის გოგოს მკვლელობის ბრალდებით 32 წლის კენეთ ფრანკლინ შიზატო დააკავეს, რომელიც ოკინავას აშშ-ს ბაზაზე სამოქალაქო თანამშრომელი იყო.

პრეფექტურის დედაქალაქ ნახაში, საპროტესტო მსვლელობაში 60 000-ზე მეტმა ადამიანმა მიიღო მონაწილეობა.

მარშზე გარდაცვლილის მამამ წერილი წაიკითხა. მან იაპონელ ხალხს მიმართა რომ ოკინავას მოსახლეობის დაცვისთვის აუცილებელია, ამერიკულმა ჯარებმა დატოვონ ტერიტორია და ეს შესაძლებელი იქნებოდა თუ ოკინავას მოსახლეობა გაერთიანდებოდა.

პროტესტი იმ ჯგუფის მიერ იყო ორგანიზებული, რომელიც ოკინავას გუბერნატორს და სხვა პოლიტიკოსებს აერთიანებს.

აქციაზე გუბერნატორმა ტაკეში ოგანამ იაპონიის მთავრობას ამერიკული ბაზების ოკანას ფარგლებს გარეთ გადატანის თხოვნით მიმართა:

"მთავრობამ უნდა იცოდეს, რომ ოკინავას მოსახლეობის აღშფოთებამ პიკს მიაღწია და არ არის მართებული მოსახლეობა სამხედრო ბაზის არსებობას შეეწიროს“.