თიბისი, როგორც მომხმარებელზე ორიენტირებული კომპანია, მუდმივად ქმნის ან აუმჯობესებს პროდუქტებს, რომლებიც მათზე მაქსიმალურად არის მორგებული. განსაკუთრებით კი, ახალ თაობაზე, რომლის განვითარების ხელშეწყობაც თიბისისათვის პრიორიტეტია.

სწორედ ამ მიზნით, კომპანია მობაილბანკით სარგებლობის შესაძლებლობას, უკვე სკოლის მოსწავლეებსაც აძლევს, რაც მათ საკუთარი ფინანსების დამოუკიდებლად მართვის საშუალებას კიდევ უფრო გაუმარტივებს.

თიბისი მობაილბანკი ხელმისაწვდომი იქნება ყველა 6-დან 17 წლის მოსწავლისთვის, რომლებიც ფლობენ თიბისის მოსწავლის ბარათს.

აქამდე hi app-ით მოსარგებლე მოსწავლეები 1 ნოემბრიდან მხოლოდ მობაილბანის მოხმარებას შეძლებენ, სადაც იმავე მონაცემებით (სახელი და პაროლი) შევლენ, რომლებსაც აპში შესასვლელად იყენებდნენ.

ისინი კი, ვინც აქამდე hi app-ით არ სარგებლობდნენ, სურვილის შემთხვევაში, დარეგისტრირებას მშობლის დახმარებით, მისი მობაილბანკიდან, ფილიალში მისვლის გარეშე მოახერხებენ.

მობაილბანკში მოსწავლეები დამოუკიდებლად შეძლებენ ისეთი ოპერაციების განხორციელებას, როგორებიცაა:

  • თანხის საკუთარ ანგარიშზე გადარიცხვა
  • თანხის სხვასთან გადარიცხვა
  • მობილური ბალანსის შევსება
  • მათზე მორგებული შეთავაზებების დათვალიერება
  • ბარათის მართვა (დეტალების ნახვა, პაროლის შეცვლა, დაბლოკვა)

დეტალური ინსტრუქციისთვის ეწვიეთ ბმულს.