გარდაიცვალა 19 წლის გოგო, რომელიც 2 კვირის წინ ლოტკინზე მომხდარი აფეთქების დროს დაშავდა. ამის შესახებ ინფორმაცია ლელო — ძლიერი საქართველოს წევრმა ნიკა ჩერქეზიშვილმა გაავრცელა, შემდეგ გარდაცვლილის ნათესავებმაც დაადასტურეს.

2 აფეთქება ლოტკინზე, სამღერეთის ქუჩაზე 24 სექტემბრის ღამეს მოხდა. დაშავებული 19 წლის გოგო დამწვრობის ცენტრში გადაიყვანეს. როგორც დამწვრობის ცენტრის დირექტორი გუგა ქაშიბაძე აცხადებდა, დაშავებული რეანიმაციულ განყოფილებაში იმყოფებოდა და დაახლოებით 48% ჰქონდა დამწვრობა.

"დაახლოებით 48% არის დამწვრობა. ეს არის სახე, ზემო კიდურები, გულმკერდის და ზურგის ნაწილი. მოთავსებულია რეანიმაციულ განყოფილებაში სავარაუდოდ გაზის აფეთქების შედეგად აქვს მიღებული დაზიანება. …არის რეანიმაციულ განყოფილებაში, შესაბამისად მდგომარეობა არის სერიოზული", — აცხადებს გუგა ქაშიბაძე.

როგორც NEWS.On.ge-ს შსს-ში უთხრეს, გამოძიება დაწყებულია 240-ე, 240-ე პრიმა მუხლებით, რაც ობიექტზე უსაფრთხოების წესის დარღვევას და გაზის ობიექტზე უსაფრთხოების წესის დარღვევას გულისხმობს.