ტრამპის ადმინისტრაცია ამერიკელ დიპლომატებს მობილიზებას უწევს, რათა ლობირება გაუწიონ გაეროს რეზოლუციას, რომელიც კუბის წინააღმდეგ დიდი ხნის სავაჭრო ემბარგოს მოხსნას მოითხოვს. ვაშინგტონი ჰავანას მხარდაჭერას რუსეთის მიმართ უკრაინის წინააღმდეგ ომში ერთ-ერთ არგუმენტად იყენებს. ამის შესახებ Reuters წერს.

აშშ-ს პრეზიდენტის ადმინისტრაციის კამპანიის ფარგლებში, ამერიკელი დიპლომატები ქვეყნებს აცნობებენ, რომ კუბის მთავრობა აქტიურად უჭერს მხარს რუსეთის ომს უკრაინის წინააღმდეგ და აგრესორის მხარეს 5000-მდე კუბელი იბრძვის.

"ჩრდილოეთ კორეის შემდეგ, კუბა რუსული აგრესიისთვის უცხოური ჯარების უმსხვილესი მიმწოდებელია და უკრაინაში დაახლოებით 1000-5000 კუბელი იბრძვის", — ნათქვამია 2 ოქტომბერს ათობით ამერიკული მისიისთვის გაგზავნილ წერილში.

სახელმწიფო დეპარტამენტის წარმომადგენელმა უარი თქვა კუბელი მებრძოლების შესახებ დამატებითი დეტალების მიწოდებაზე, მაგრამ განაცხადა, რომ ვაშინგტონმა იცის, რომ ისინი უკრაინაში რუსეთის ძალებთან ერთად იბრძვიან.

"კუბის რეჟიმმა ვერ შეძლო თავისი მოქალაქეების დაცვა რუსეთ-უკრაინის ომში პაიკებად გამოყენებისგან", — განაცხადა სახელმწიფო დეპარტამენტის წარმომადგენელმა.