ჩინეთში ინტერნეტის მომხმარებლები რამდენიმე დღეა უცნობ ბიჭზე ლაპარაკობენ, რომელმაც საჯარო ადგილას თავის შეყვარებულთან რაინდული ჟესტი გამოიჩინა.

ფოტოების გამავრცელებლების თქმით, უცნობმა ბიჭმა თავის შეყვარებულ გოგოს ექიმის ლოდინის დროს ფეხსაცმელები გაუცვალა, რადგან როგორც ჩანდა მაღალქუსლიანი ფეხსაცმელები გოგოს ფეხებს ტკენდა.

როდესაც მოსაცდელში მათი ნომრები გამოაცხადეს, გოგომ მას შავი, კომფორტული სანდლების დაბრუნება შესთავაზა, თუმცა ბიჭმა იუარა, ვიზიტის დასრულების შემდეგ კი, შეყვარებულს ხელი ჩაჰკიდა და საავადმყოფო ვარდისფერი, მაღალქუსლიანი ფეხსაცმელებით დატოვა.

ჩინეთის ინტერნეტ-მოსახლეობას აინტერესებს, როგორ იპოვოს ასეთი შეყვარებული.