"თეგეტა ჰოლდინგის" ერთ-ერთმა დამფუძნებელი თემურ კოხოძე ჟურნალისტებთან საუბრისას ამბობს, რომ ივანიშვილის დასანქცირება ბიზნესს დააზიანებს, ზოგადად, ნებისმიერი ბიზნესმენის დასანქცირება დააზიანებს ბიზნესს. ამის შესახებ მან სასტუმრო "პარაგრაფში" გამართული კონფერენციის დასრულების შემდგომ განაცხადა.

ჟურნალისტის კითხვაზე — "ალაგებს თუ არა ბიზნესის გავლით მისი არდასანქცირების საკითხს", ბიზნესმენი ამბობს, რომ ამის შესახებ ინფორმაცია არ აქვს.

"ვერ გეტყვით, არ მგონია. ვფიქრობ, რომ არ მოხდება. არ მგონია [დასანქცირდეს]. არ მაქვს ინფორმაცია, რას აკეთებს და როგორ აკეთებს", — განაცხადა კოხოძემ.

კითხვაზე, იმსახურებს თუ არა ივანიშვილი დასანქცირებას ამბობს, რომ ამას "შესწავლა და ნახვა უნდა".

"მე ვერ გეტყვით, ახლა, მაგას შესწავლა უნდა, ნახვა უნდა. არ ვარ საქმის კურსში. თუ დასანქცირდება ივანიშვილი, რა თქმა უნდა, ბიზნესს დააზიანებს. ნებისმიერი კუთხით დააზიანებს და ნებისმიერი ბიზნესმენის დასანქცირება დაგვაზიანებს ჩვენ, საერთოდ ბიზნესს", — განაცხადა კოხოძემ.