ქუთაისის ერთ-ერთ კლინიკაში ნარკოტესტზე შეყვანილმა მოქალაქეებმა შემოწმებაზე უარი თქვეს, რასაც დაპირისპირება მოჰყვა. ინფორმაციას "ინფო იმერეთი" ავრცელებს და თვითმხილველებზე დაყრდნობით წერს, რომ უარის შემდეგ მოქალაქეებმა ჯერ სამედიცინო პერსონალს, შემდეგ კი პოლიციელებს სცემეს.

"ამერიკულ ფილმში მეგონა თავი, თუ სადმე საპატრულო პოლიციის ეკიპაჟი და კრიმინალური პოლიციაა, ყველა ადგილზე იყო, სამართალდამცველებსაც ურტყამდნენ, შემდეგ კი ღამით, ვინც კი მორიგე პოლიციელი იყო, ყველა რომ მოვიდა, მათი დაკავება მოახერხეს," — განუცხადა გამოცემას ერთ-ერთმა თვითმხილველმა.

"ინფო იმერეთი" შსს-ში განუცხადეს, რომ მომხდარზე გამოძიება ორი — 126-ე და 353-ე მუხლებით დაიწყო, რაც ძალადობას და პოლიციელზე თავდასხმას გულისხმობს.