გერმანიის ელჩი საქართველოში, გერმანიის საგარეო საქმეთა მინისტრ იოჰან ვადეფულს შეხვდა და საქართველოში არსებულ ვითარებაზე ესაუბრა. ამის შესახებ პეტერ ფიშერმა X-ზე დაწერა. მისი თქმით, საგარეო საქმეთა მინისტრმა მას საქართველოსთან გერმანიის სახელით კომუნიკაციის ცხადად, პატიოსნად და მტკიცედ გაგრძელება სთხოვა.

"საქართველოში არსებული მიუღებელი ვითარება საგარეო საქმეთა მინისტრ იოჰან ვადეფულთან ერთად განვიხილე. მან მთხოვა, რომ გერმანიის სახელით კომუნიკაცია ცხადად, პატიოსნად და მტკიცედ გამეგრძელებინა", — დაწერა გერმანიის ელჩმა.

ცნობისთვის, გერმანიის საგარეო საქმეთა სამინისტრომ განცხადება გაავრცელა და გერმანიაში საქართველოს ელჩ პეტერ ფუშერზე "ოცნების" ხელისუფლების პარლამენტის თავმჯდომარის, შალვა პაპუაშვილისა და "ოცნების" სხვა მაღალჩინოსნების თავდასხმებს გამოეხმაურა.

"გერმანიის საგარეო საქმეთა სამინისტრო კატეგორიულად უარყოფს და გმობს ბატონი პაპუაშვილის უსაფუძვლო ბრალდებებს", — წერია უწყების განცხადებაში.

შეგახსენებთ, "ოცნების" მაღალჩინოსნები გერმანიის ელჩს მუდმივად აკრიტიკებენ. "ოცნების" პარლამენტის თავმჯდომარე, შალვა პაპუაშვილი მას ექსტრემისტული ჯგუფების მხარდაჭერაში ადანაშაულებს, ხოლო "ოცნების" პრემიერმინისტრი, ირაკლი კობახიძე მას "ტრაგიკულ პიროვნებას უწოდებს.