მოახლოებული ადგილობრივი თვიმმართველობის არჩევნების შესახებ, ეროვნულ-დემოკრატიული ინსტიტუტის (NDI) პირველადი მიგნებები გამოაქვეყნა. დოკუმენტის მიხედვით, მმართველმა პარტიამ წინასაარჩევნო შემოწირულობების 95 პროცენტი მიიღო და ოპოზიციური პარტიები რესურსების სერიოზულ ნაკლებობაზე საუბრობენ:

"ქართული ოცნება მედიაში თვალსაჩინოდ არის წარმოდგენილი, მათ შორის - სამთავრობო პროექტებისა და მიღწევების გაშუქების გზით. ამის საპირისპიროდ, ოპოზიცია აცხადებს, რომ სახსრების და რესურსების ასეთი უთანასწორო განაწილება ჯანსაღ შეჯიბრს შეუძლებელს ხდის".

NDI-ის დაკვირვებით, პოლიტიკური გარემო პლურალიზმით ხასიათდება და ამომრჩევლებს მრავალფეროვანი არჩევანის გაკეთების საშუალება აქვთ. თუმცა, ჯერჯერობით, იდეებისა და პოლიტიკის გარშემო დებატები და არსებითი განხილვები მცირეა.

პირველად მიგნებებში ხაზგასმულია მარნეულსა და ხობში განხორციელებული ძალადობის რამდენიმე ფაქტის შესახებ, რომელზეც პარტია ევროპული საქართველო აცხადებდა, რომ მათ წარმომადგენლებს სცემეს.

"მიუხედავად იმისა, რომ მეტწილად მშვიდობიან საარჩევნო გარემოს მივესალმებით, ძალადობის ერთმა ფაქტმაც კი შეიძლება, საარჩევნო პროცესებისადმი ნდობა შეარყიოს," - ნათქვამია NDI-ს სადამკვირვებლო მისიის განცხადებაში.

NDI-ის კვლევით, ოპოზიციური პარტიები ასევე პრობლემად ასახელებენ ადმინისტრაციული რესურსების ბოროტად გამოყენების, მმართველის პარტიის მხრიდან დაშინებისა და საარჩევნო კომისიების მიკერძოებული დაკომპლექტების ფაქტებს, თუმცა ანგარიშშივეა ნათქვამი, რომ დაფიქსირებული ხარვეზების მიუხედავად ოპოზიციური პარტიები ფორმალური საჩივრების წარდგენისგან თავს იკავებენ.

ანგარიში 29 აგვისტოდან 25 სექტემბრის პერიოდს მოიცავს.